Mizoram State Shooting C'ship zo fel

10th Mizoram State Shooting Championship 2019 chu Zirtawpni khan MRA 10m Shooting Range leh 3rd Bn MAP Firing Range, Mualpuiah zawhfel a ni a. Aizawl District-in gold medal 13, silver medal paruk leh bronze medal panga an dawng a; Police department-in gold, silver leh bronze medal panga ṭheuh an dawng a; Lunglei District-in gold medal pathum leh bronze medal pakhat an dawng.

Kharna hun MRA Shooting Range, R. Dengṭhuama Hall-a neihah hian khuallian chu MSSC secretary C. Laltlanthanga a ni a, khuallian chuan, "MRA hi association naupang te nichunga National Games-in tel (qualify) fo thei hi a ropui hle a ni. Infiamnaa hlawhlting tur chuan tei rei peih a ngai a, sorkar chuan a tih theh ang angin hma la reng a ni," tiin a sawi a, MRA hruaitute a fak bawk. Shooting Cham-pionship-ah hian inelna category 23 a awm a, shooter 143, district pasarih leh Police aṭangin an tel a ni.