Joshua vs Ruiz - chak zawk hmachhawn tur Usyk

World Boxing Orga-nization chuan thuchhuah siamin Anthony Joshua leh Andy Ruiz Jr. te rematch-a chak zawk chuan Oleksandr Usyk an hmachhawn tur thu an sawi. 

Kum 29 mi Ruiz-a'n June 1 khan khawvel barakhaihin Joshua a tukdawl a, British boxer-in a kawl lai IBF, WBA leh WBO title a chhuhsak vek. Mahse, boxer pahnih hian an intawn hma hian contract-ah rematch neih theihna an ziak tel a, kum tawp lamah inhmachhawn leh tura ngaih an ni. 

Fighter pahnih inhneka chak zawk hmachhawn tura tih Usyk hian vawi 16 fight a hmachhawn tawhah vawi 16 hnehna a chang a, vawi 12 a khingpui a knockout. Kum 32 mi boxer hian cruiserweight-a kawnghren pali WBA (Super), WBC, IBF leh WBO a kawl vek a, cruiserweight-a he dinhmun chelh thei hmasa ber a ni. 

Cruiserweight cham-pion a nichungin heavy-weight-ah a insawn chho a, May khan heavyweight-a a match hmasa ber chu Carlos Takam nen nei tura tih ni mah se hliam a neih vangin a inhnukdawk.