CYMA Football khelh tum 80 tling tawh

Football hmanga veng leh veng a ni emaw khua leh khua inelna a nih tawh chuan CYMA Football hi ngaihven hlawh ber a ni ṭhin a, kumin hi inelna neih kum a nih avangin veng leh khaw hrang hrang an inpuahchah nasa tawh hle.

Nimin thleng khan MFA hriatpui inelna Mizoram pum huapah hian branch 80-in hming an pe tawh a, vawiin pek hun tawp niah hian branch engemaw zatin an pek belh beisei a ni bawk.

Kumin inelna hi Suzuki Gixxer 250-in a sponsor. CYMA Football-ah hian Ramhlun South chu champion lai an ni a, Armed Veng chu champion ngun ber niin vawi nga an champion tawh a ni.