Barca pan tura Salah rawntu Eto'o

Barcelona striker hlui Samuel Eto'o chuan Liverpool forward Mohamed Salah chu amah duhtu nia sawi Real Madrid aia Barcelona pan turin thurawn a pe.

Salah hian kum 2017 khan AS Roma aṭangin Liverpool a pan a, match 104-a inlan sakah goal 71 khung tawhin assist 29 a nei tawh - goal 100 a thawk chhuak tawh tihna a ni. 

Barcelona tana kum nga khel tawh Eto'o chuan, "Salah tan chuan Real aiin Barca a ṭha zawk ang. Real khan Africa chhuahsan turin hun ṭha min pe a, mahse Barcelona style hi ka hrechiang. Salah tan chuan a ṭha zawk," a ti.

Chelsea tan pawha khel tawh striker chuan sawi chhunzawmin, "Salah hian khawvela league ṭha ber La Liga-ah khelhna chance a nei a nih chuan Barcelona tan a khel tur a ni - khawvela footballer ṭha ber ni turin theihna a nei," a ti a, Catalan club chu Salah ropuina ni turah a ngai. 

AFCON khela Egypt tana feh chhuak mek Salah hian nikum lawk khan Liverpool tan 2023 thleng khel turin contract thar a ziak a, release clause a tel lo.