Mizo mipui chungah ka lawm - Siami

Nimin khan Lalrem-siami Hmar chuan Mizoram a lo thleng a, Hockey Mizoram chuan Lengpuiah an lo hmuak. India international hockey player hian hun harsa tak a tawhna kara Mizo mipuite hnen aṭanga thlamuana thu leh ṭawngṭai puina a dawn hnem avangin lawm thu a sawi.

Japan-a Women's FIH Series Finals 2018-19 neih zawk taka India pakhatna nih puitu Siami chuan, "Ka thil tum tihlawhtling turin thutlukna harsa tak ka siam a, ka pa ruang nang hman lo tura rawn haw ai chuan India tana inlan tlang kha ka thlang ta zawk a ni.

"Hnam dang karah khawhar leh hrehawm tak chungin hun ka hmang. Mahse, Mizoram aṭangin ṭawngṭai puina ka dawng hnem a, khami avang khan thlamuanna leh chakna ka neih phah," tiin a sawi. Japan-a Siami a zin hlanin a pa Lalthansanga Zote chu Kolasib-ah a thi a, semifinal an khelh hmain  he chanchin hi a hria. Semifinal-ah Chile a hmachhawn zui a, final-ah a thlengtu Japan hneh lehin  India player pawimawh a ni - Olympic qualifier an khel 

thei dawn a ni.