Chanmarians chak nuamsa
Cricket Association of Mizoram hnuaia inelna ngaihhlut Mahuma Memorial Ist Division Screening Tournament chu khelh chhunzawm zel a ni. Nimin group match inkhelah Chanmarians chuan an khingpui Durtlang chu wicket riatin an hneh.
Suaka Cricket Ground, Sihhmuia inkhelah Durtlang chu ṭhum vawra vannei zawk niin vuak hmasak an thlang. Over 28.5 chhunga run 73 chauh siamin an thi kim vek a, target sang tak an siam thei lo.
Chanmarians lamin over 15.3 chhung lekin an tlan pel (77/2) a, nuamsa takin an chak. F. Vanlalmuanzuala chuan run 30 a siam bakah ball 25 a hmachhawn aṭanga run 22 siamtu Lalhmangaiha ten an thawh hlawk hle.
Over 4.5 a vawm aṭanga wicket li latu Nehal Katakadond chu Player of Match atan thlan niin, run ruk chauh a pe bawk.
Vawiin hian a hmun ngaiah inkhel pakhat a awm leh dawn. Ramhlun Venglai leh Gorkha ten an league round hmasa ber an khel ang.
Mahuma Memorial
Vawiin Inkhel Tur
Ramhlun Venglai 09:30 AM Gorkha
March 12, Zirtawpni
Armed Veng 09:30 AM Chhinga Veng
Nimin Inkhel Results
Chanmarians bt Durtlang
(Chanmarians hi wicket 8 in an chak)
PoM: Nehal Katakadond, Chanmarians
Khaled Memorial
Vawiin Inkhel Tur
Luangmual 09:30 AM Legends
Nimin Inkhel Results
Saron bt Chaltlang
(Chaltlang hi wicket 3 in an chak)