Newcastle khingpui tur Villa

Zanin dar 1:30 hian Newcastle United-in Aston Villa an mikhual dawn. Newcastle hian league match li chhung chak hmel an hmu tawh lo a, match hnuhnung 16-ah vawi hnih chauh an chak avangin tla thei dinhmunah a ding.

Newcastle hi point 27 hmuin table-ah 16-naah an awm mek a, relegation zone-a awm Fulham aiin point khat chauhin an hmu sang zawk. Steve Bruce-a hote hi hmun hima awm turin

Villa an hneh hi a pawimawh hle. Amaherawhchu Magpies hian hliam vangin Callum Wilson, Miguel Almirón, Fabian Schar leh Allan Saint-Maximin te an chhawr thei lo.

Villa erawh point 38 an hmuh tawh avangin relegate a hlauhawm tawh loah a ngaih theih a, chutihrualin season thara Europe inelna khelh an tum a nih chuan Newcastle hneh ngei hi a ṭul ang.