Everton player thar Andre Gomes

Portugal midfielder Andre Gomes chuan Barcelona chhuahsanin Everton a pan a, a man zat hi pound maktaduai 22 a ni - kum nga chhung atan contract a ziak. 

Gomes hi season hmasa khan Everton-ah hian loan-in a khel tawh a, inelna hrang hrangah match 29 inlan sakin goal khat a khung. Kum 25 mi midfielder chuan, "Everton-a con­tract thar ka ziak thei hi ka lawm takzet. Ka tan chuan thutlukna harsa a ni lo a, he hmuna ka cham thei hi ka lawm takzet a ni," a ti. 

Everton hian Gomes hma hian Huddersfield Town goalkeeper Jonas Lossl chu free transfer-in an lalut tawh bawk a, tun nipui transfer-ah player pahnih an nei tawh tihna a ni. Hetihlai hian mid­fielder Nikola Vlasic chuan Everton chhuah­sanin CSKA Moscow a lo pan tawh a, a manah pound maktaduai 14 an tel.