Real-in hmeichhe team nei dawn

Spanish club lian Real Madrid chuan season thar aṭang chuan hmeichhe football team an nei tawh dawn a, team hranpa din loin Spanish hmeichhe top division Primera Division club Deportivo Tacon chu an lei. 

Madrid khawpuia innghat Tacon hi 2014 khan din a ni ve chauh a, season hman zawh takah khan second division-ah an champion a, Primera Division hi an khel dawn a ni. Thawhlehni khan Real board of directors ṭhu­khawm chuan Tacon lei hi an remti a, tun season-ah chuan an hming put sa hmangin an khel phawt ang a, 2020-21 aṭangin Real Madrid hming an pu ṭan ang. 

Spanish hmeichhe foot­ball-ah Atletico Madrid chu roreltu an ni rih a, season hnuhnung pa­thum­ah khan Primera Division-ah an champion vek.