Quarterfinal-ah Kerber

Nilaini zan khan Angelique Kerber chuan Eastbourne International-ah quarterfinal a in vaw kai a, Wimbledon champion hian grass court inelna a hmang fuh chho rih hle.

Eastbourne-a last 16 inkhelah Kerber hian world number 66 Rebecca Peterson chu 7-6 (7-4), 6-0 in a hneh a, nizan khan Simona Halep nen an inhmachhawn lehnghal a, result kan hre hman lo. World number 1 hlui Halep hian inkhel dangah Slovenian nula Polona Hercog chu 6-1, 4-6, 6-3 in a lo hneh ve bawk a ni.

Seeded pahnihna Karolina Pliskova chuan darkar khat pawh tling loah Elise Merten 6-1, 6-2 in a sawp a, ani hian world number 52 Eka­terina Alexandrova a hmachhawn leh ang. Russian nula hian 2017 French Open champion Jelena Ostapenko chu 6-3, 2-1 in a lo hneh. Osta­pen­ko hi set hnihnaah hliam vangin a khel tlang thei lo.

Inkhel dangah Johanna Konta chu world number 62 Ons Jabeur 6-3, 6-2 a hneh loin a tla a, British number 1 hian Wimbledon atana a inbuatsaihna tournament hnuhnung berah a tum ram a thleng zo lo a ni. Grass court inelna hi July 1 aṭangin khelh ṭan a ni dawn a, Eastbourne International hi tunkar chhunga khelh zawh tur a ni. Nomawi chawitu tan inrintawkna sang tak nen All England Club a pan theih ang.