Electric Veng FC-in MPL best defender lalut

Mizoram Premier League club Electric Veng FC chuan MPL7 best defender PC Laldinpuia leh MPL5 best midfielder Lalruatfela Zote te an an lut.

Season liam ta khan Electric Veng FC hian a vawi khat nan MPL an khel a, round 5 thleng league hmahruaitu ni thei an ni. EFC hi round 13 thleng semifinal khel thei chinah awm mah se league round match hnuhnung berah Mizoram Police an hneh loh avangin pangana niin season an khar.

MPL8-ah Electric Veng hian champion ngei tumin Lalsangzuala Hmar chu Chhinga Veng aṭangin an lalut a, an player lak thar pahnih hi Sanga hman thiam sa ve ve an ni. Football khelh tirha striker ni ṭhin Dinpuia hian tharum a ngah a, tlarhnunga sawn hnun a nih hnuah Mizoram team thlenga rinrawl a nih chhoh tak avangin innghahna tham a tling ang. Fela Zote erawh Aizawl FC a zawm hnuah inhliam vangin a buai a, khelhna hmun a chan tam tawk loh avangin Electric Veng FC-ah a football career tih nunṭhat leh a tum thung ang.