Wimbledon khel tur naupang ber Gauff

July 1, Thawhṭanni aṭangin Wimbledon khelh ṭan a ni dawn a, player inlan tur zingah kum 15 leh ni 122 mi Cori Gauff chu a naupang ber - American tleirawl hi qualifier aṭanga invaw tling a ni.

World number 301 Gauff hian Ningani zan qualifying round-ah world number 129 Greet Minnen chu 6-1, 6-1 a hnehin main draw a invaw kai. Open Era (1968 hnu lam) china Wimbledon khel thei naupang ber a ni dawn.

Gauff  hian junior huangah pawh a theihna a lo pholang tawh ṭhin, nikum mai khan French Open girls title a la a, tun anga hmasawn taka a khel zel a nih chuan a rualpui dangte tana elpui hautak a ni thei ngei ang.