2020/2021 Nations League fixtures a chhuak
UEFA hnuaia ram 55 inelna Nations League fixtures chu Thawhlehni khan Amsterdam-ah pawh a ni a, 2020/2021 season-ah hian football ram ṭhate an insem rual hle.
Inelna hi kum 2019/2020 aṭang khan ṭan a ni a, Portugal an champion hmasa ber. Europe ram hrang hrang chu an thiam dan milin league pali A, B, C leh D-ah ṭhendarh a ni a, League A-a group pali aṭanga ram che
ṭha paliin finals khelin team ṭha ber an zawng.
Kum khatnaah khan League A group pakhat zelah team pali an awm a, pathumnaa awm Germany, Iceland, Poland leh Croatia te chu dan ang chuan relegate tur an ni. Amaherawhchu 2020/2021 season-ah group khatah team pali zel dah an nih tak avangin Germany, Iceland, Poland leh Croatia te chu team ṭha awmna League A-ah an awm chhunzawm dawn.
Nikum finals khel pha ram pali Portugal, Netherlands, England leh Switzerland te chu group hran ṭheuhah an awm a, Three Lions hi FIFA ranking-a pakhatna Belgium, Denmark leh Iceland te nen group khatah an awm.
International match-ah FIFA World Cup leh European Championship ten ngaihven hlawh mah se friendly match erawhin ngaihven a hlawh ṭhin lo. Nations League hian friendly match tam zawk ti boin Europe ramten inelna
ṭha zawk an neih phah a, World Cup leh Euro C’ship te elpha lo mah se friendly match nena khaikhin chuan mipuiin international match an hlut phah hle.
League A
Group 1 : Netherlands, Italy, Bosnia and Herzegovina, Poland
Group 2 : England, Belgium, Denmark, Iceland
Group 3 : Portugal, France, Sweden, Croatia
Group 4 : Switzerland, Spain, Ukraine, Germany
League B
Group 1 : Romania, Northern Ireland, Norway, Austria
Group 2 : Israel, Slovakia, Scotland, Czech Republic
Group 3 : Hungary, Turkey, Serbia, Russia
Group 4 : Bulgaria, Republic of Ireland, Finland, Wales
League C
Group 1 : Azerbaijan, Luxembourg, Cyprus, Montenegro
Group 2 : Armenia, Estonia, North Macedonia, Georgia
Group 3 : Moldova, Slovenia, Kosovo, Greece
Group 4 : Kazakhstan, Lithuania, Belarus, Albania
League D
Group 1 : Malta, Andorra, Latvia, Faroe Islands
Group 2 : San Marino, Liechtenstein, Gibraltar