76ers leh Raptors inhnehtawk

NBA Eastern Conference semifinal a hmuhnawm a, nimin zing khan Philadelphia 76ers chuan Toronto Raptors 94-89 a hnehin series-ah 1-1 in an inhnehtawk. Zirtawpni zing dar 5:30 hian Wells Fargo Center, Philadelphia-ah game 3 an khel ang.

Scotiabank Arena, Toronto-a inkhelah 76ers lamin chawlhlawk laiin point 13 ngawtin an sang fal thei a, minute nga leh second 44 chauh khelh hmabak an neih tawhah pawh half time laia an hmahruaina zat bawkin an sang fal thei.

Mahse, a tawp boruak sangah Raptors an rawn tho chhuak a, minute khat pawh awm tling tawh loah Pascal Siakam-a layup hmangin an nihrual! Joel Embiid hmangin 76ers lamin 92-89 in hma an hruai leh. Toronto Raptors forward Danny Green-a'n 3-points neih theihna hun ṭha a hmuh a hlah a, 76ers forward Tobias Harris chuan free throw a hmuh lut lehin a team a chak pui.

Nimin zing Western Conference semifinal lam inkhel pakhat zawkah Denver Nuggets chuan 121-113 in Portland Trail Blazers an hneh a, anni pahnih hi Ningani zingah an inkhel leh dawn - a tlang zawk hian Golden State Warriors leh Houston Rockets te inkhela a chak zawk chu conference final-ah an hmachhawn ang.

Philadelphia 76ers 94 - 89 Toronto Raptors

Scoring by quarter: 26-17, 25-21, 18-25, 25-26

(Series tied, 1-1)

Portland Trail Blazers 113 - 121 Denver Nuggets

Scoring by quarter: 32-32, 23-26, 29-35, 29-28

(Denver leads series, 1–0)

Nuggets 06:30 AM Trail Blazers

Philadelphia 76ers 05:30 AM Toronto Raptors