Clijsters leh Azarenka an tla

Tennis khelh a chawlhsan hnua rawn kir Kim Clijsters chuan beisei ang result ṭha a la nei thei rih lo, world number 1 hlui hi Monterrey Open khelh laia a match hmasa berah a chak lo - Victoria Azarenka pawh a tlawm ve bawk.

Thawhlehni zan inkhelah wildcard hmanga inlan Clijsters hi seeded pahnihna Johanna Konta lakah 6-3, 7-5 in a chak lo. Grand Slam vawi li champion tawh hi thla hmasa khan Dubai Championship lamah pawh hneh nei loin a lo tla tawh bawk a ni.

Season hmasa US Open hnua a match hmasa ber atan Azarenka a inlan ve bawk a, ani pawh Tamara Zidansek lakah 6-2, 6-2 in a chak lo. Seeded pakhatna Elina Svitolina erawhin Danka Kovinic chu 6-3, 6-2 a hnehin inelna bul a 

ṭan fuh thung.