MCL - Final lut tur hriat ni

Mapuia Cricket League hmawr bawk a hnai ta a, vawiin hian final lut tur pakhat zawk a hriat dawn - zing dar 9:00-ah Kulikawn CC leh Chhinga Veng ten qualifier 1 an khel ang. 

Kulikawn hian league round-a an match hmasa berah Chhinga Veng hi an ngam lo tawh a, Durtlang tlangval K. Vanlalruata chet ṭhat ṭum an tawn avangin chak loin bul an ṭan. Mahse, Kulikawn an tlu rei lo - a hnu match thum an khelhah hnehna an chang vek a, table chung ber luah chungin league round an khar a, Chhinga Veng tan awlsam taka hneh nawn ngawt theih an ni lo ang. 

Kulikawn tan Michael Lalremkima, Parvez Ahmed, Abhay Joshi, Rosiamliana Jr. leh C. Lalrinsanga te chet ṭhat chu innghahna tur a ni dawn. Chhinga Veng-in Kulikawn an hneh hnuin match thumnaah Chanmarians ngam lo mah se an insiamṭha leh vat a, match thum dang an chak avangin qualifier 1 an khel dawn. 

3C tan MCL man of the series ṭum thum ni thei K. Vanlalruata, Raj Kumar Thakur, Sumit Lama leh Zoramthanga te an pawimawh dawn a, an ngam hnu Kulikawn vanga 'ṭul lo' a qualifier 2 hmachhawn leh kher an tum lo ang. 

Vawiin chhun dar 12:30-ah eliminator khelin Chanmarians leh Ramhlun Venglai an intawng dawn bawk a, he inkhela chak zawk hian qualifier 2-ah qualifier 1-a chak lo zawk hi final luh an inchuhpui leh dawn a ni.