Winks tan season a tawp
Tottenham midfielder Harry Winks chu a khel bawr hliam zai a ni a, England international hi tun season chhungin a inkhelh hman a beisei awm tawh lo.
Kum 23 mi Winks hian tun season-ah Spurs tan inelna hrang hrangah match 40 khelin player pawimawh zingah a tel phak a, April 9-a Manchester City nen Champions League quarterfinal first leg an khelh chu a match hnuhnung ber a ni dawn.
Spurs hian tun season chhungin a tam berah match nga bak khelh tur an nei tawh lo, nizan khan Ajax nen UCL semifinal first leg an khel - final an lut lo a nih chuan match khatin an khelh tur a tlem dawn tihna a ni. North London club chuan thuchhuah siamin, "Thawhṭanni khan Harry Winks zai a ni a, damdawi lam thiam ten uluk taka an endik hnuah chawl hahdam rih tura tih a ni, dam taka a rawn kir leh thuai theih nan duhsakna kan hlan," an ti.