India U15 leh Slovenia inhnehtawk

MU-15 Tournament khela zin chhuak mek India Under 15 chuan an match hnuhnung berah goal hnih ve ve khungin Slovenia an inhnehtawkpui a, Sridarth chuan goal hnih a khung. 

Blue Tigers naupang rual hian an match hmasa berah USA chu 3-0 in an ngam lo a, match hnihnaah Mexico chu 3-1 in an ngam lo bawk. Match thumnaah erawh insiamṭha hretin draw result an hlawh chhuak ve ta. 

India U15 squad-ah hian Eric Lalsangzuala Colney, Armed Veng; Isaac Zomuanpuia, Sihphir leh Amos Lalnundanga, Chanmari-te chu an tel. Player pathum hi tun season-a MFA Under 15 League-ah an inlan vek a, Eric hi India U15-ah hian captain niin Bawngkawn FC tan a khel.