Joshua hmaa ding tur Andy Ruiz Jr

Unified world heavy­weight champion Anthony Joshua-a'n June 1-a a hmachhawn turin Andy Ruiz Jr chhawp­chhuah a ni a, New York khaw­puiah an intawng dawn. 

Kum 29 mi Joshua hi a tirah chuan Jarrell Miller nena inhmachhawn tura tih an ni a, mahse American fighter hian drug test a paltlang zawh tak lohah chuan Madison Square Garden-a a hma­chhawn tur hian Andy Ruiz Jr hi tih a ni ta a ni. 

Joshua promoter Eddie Hearn chuan, "Ruiz hian world cham­pion ni turin a theihna zawng zawng hlan a hreh dawn lo a, knockout tawh phah hial dawn pawh ni se huaisen takin a bei mai ang," tiin an khingpui tur chungchang a sawi. 

Kum 29 mi Andy Ruiz hian vawi 33 fight a hma­chhawn tawhah vawi 32 hnehna a chang a, vawi 21 a khingpui knockout-in vawi khat chiah a la tlawm. April 20 khan Andy hian German boxer Ale­xan­der Dimitrenko a hneh a, a boxer hneh hi Joshua aia kg sarih ngawta rit a ni a, Anthony Joshua hmaa zam tur a ni lo.