Himachal Pradesh an champion

Hero Junior Girls' National Football Championship 2019-20 ah Himachal Pradesh chuan Nilaini khan Jharkhand 3-1 in an hneh a, an champion. Inelna hi Kolhapur, Maharashtra-ah neih a ni. 

Polo Ground-ah final khelh a ni a, Himachal Pradesh tan Anju, Kiran leh Manisha ten goal an khung a, Jharkhand goal awmchhun hi Kuwari Indwar-i'n a khung. Final-a Himachal goal hnuhnung ber khungtu Manisha chu best forward-ah thlan a ni a, a hmingpui leh a khelhpui Manisha chu best goalkeeper atan an thlang a, Poonam chu best midfielder-ah thlan a ni bawk.

Jharkhand-in final-ah goal thum chhuah mah se an defender Sudha Tirkey chu best defender-ah thlan a ni tho a, pahnihna team forward Sumati Kumari chu top scorer a ni. Mizoram pawhin Junior Girls' National Football Championship hi an hmachhawn a, group stage-ah Punjab (9-0), Andhra Pradesh (7-0) leh Kerala (4-2) te an hneh hnuin quarterfinal-ah Gujarat 1-0 a hneh loin an tla.