Pahnihna china awm tur Chennai Super Kings

Indian Premier League-ah Chennai Super Kings chuan Nilaini zan khan Delhi Capitals chu run 80 in an hneh. Super Kings hian match khat khelh hmabakah point 18 hmuin hmahruaitu an ni a, an match hnuhnung berah an chak zo lo a nih pawhin pahnihna chinah an awm dawn.

DC hi ṭhumvawrah chakin vawm hmasak an thlang a. CSK lam tan Suresh Raina (59), MS Dhoni (44*) leh Faf du Plessis (39) te an che ṭha a, run 179 zet siamin target hautak a ni pha. Delhi Capitals bat hun a thleng a, Shreyas Iyer-a'n run 44 siam mah se thlawptu a nei ṭha tawk lo. Super Kings bowler Imran Tahir leh Ravindra Jadeja te an chet ṭhat avangin DC hian run 99 chauh an siam. Imran hian wicket li lain run 12 chiah a pe a, Jadeja pawhin run kua lek siamin wicket thum a la bawk.