Zaninah NECS Cup khuh hawnna

Aizawl District Foot-ball Association hnauia inelna lian NECS Cup 2020 chu zanin hian Chanmari YMA Hall-ah a khuh hawnna neih a ni dawn a, manager inhmuh khawmna neih nghal a ni ang.

Inelnaah hian team 58 an tel dawn a, round hmasa lam chu Ramhlun Sports Complex-ah knock out hmanga neih a ni dawn; last 16 aṭang chuan Lammual leh RG Stadium lamah an insawn thung dawn a ni.

Kick Off neih zan hian team tin aiawh kal ṭheuh tur tih an ni, a bik takin Aizawl khaw chhung team phei chu team pumpuia kal tura ngen leh beisei an ni bawk. Season hmasa khan Armed Veng chuan Republic Veng hnehin a vawi hnih nan an champion.

NECS Cup Champion

Kum    Champion    Pahnihna

2013    Ramhlun South    Leitan

2014    Ramhlun South    Armed Veng

2015    Armed Veng    Ramhlun South

2016    Bethlehem Vengthlang    Armed Veng

2017    Chhinga Veng    Bawngkawn

2018    Ramhlun South    Chanmari

2019    Armed Veng    Republic Veng

Lawmman

Champion    Rs    1,70,000

Runners up    Rs    80,000

Semifinalist    Rs    10,000

Community Award    Rs    10,000

Fairplay    Rs    10,000

Best Player & Top Scorer    Rs    5,000