FA-in coronavirus vangin Dele Alli thubuai siamsak

Tottenham Hotspur midfielder Dele Alli chu tunlai hri leng lar tak coronavirus chungchanga fiamthu a thawh avangin Football Association chuan thubuai an siamsak. 

Kum 23 mi Alli hian snapchat lamah Asia mi video-a a lak chu pholangin, coronavirus hmanga fiam-thu thawh nan a hmang. English midfielder hian a hnuah Chinese social media lar Weibo-ah ngaihdam dilna chhuah zuiin, "Club leh keimah ngei pawh ka inti mualpho a ni," a ti. 

Mahse, he ngaihdam dilna avang hian FA a ngawi chuang lo. FA Rule E3 (1) & (2) behchhanin Alli hi thubuai an siamsak a, he dan hnuaiah hian Englang international hi chi inthliarna hawi zawnga che leh football ti hmingchhetuah puh a ni. 

Alli hian March 5 thleng a thubuai hi chhanlet theihna hun a nei dawn a, he thu buatsaih lai hi chuan FA lamah insawifiahna a thlen hriat a la ni lo.