Bucks chakna Antetokounmpo
Giannis Antetokounmpo chuan tun hnaiah a zawnin triple-double a nei. Greek tlangval hian a club Milwaukee Bucks chu nimin zing NBA regular season inkhelah 125-119 in Washington Wizards lakah hnehna a chanpui.
Bucks thiampuipa Giannis-a'n 33 point, 11 rebound leh 11 assist a nei a, ani bakah hian player dang pariat ngawtin point 10 chuang an nei thei a, team thawhhona ṭha chu an chak chhan lian tak a tling.
Wizards lamin an player pawimawh Bradley Beal chu khup hliam vangin an chhawr thei lo. Beal-a awm loh karah Russell Westbrook-a'n 42 point, 10 rebound leh 12 assist neiin a 'triple-double' ve tho, mahse thlawptu a neih ṭhat loh avangin team chak nan a tawk lo.
Inrinni zing inkhelah Philadelphia 76ers chuan Washington Wizards 127-101 in an hneh, 76ers hian hnehna chang mah se an lawm a kim lo. Covid-19 vanga All-Star a inlan thei lo Joel Embiid chu a lo kirna hmasa berah a inhliam nghal a ni.
Embiid-a'n point 23 a neih bakah rebound vawi sarih a la a, amaherawhchu a khup vei lam a hliam avangin minute 20 bak a khel thei lo, eng chena rei nge a chawlh a ngaih dawn tih pawh a la hriat theih loh.
NBA Results
March 14, Pathianni
Milwaukee Bucks 125 - 119 Washington Wizards
New York Knicks 119 - 97 Oklahoma City Thunder
Brooklyn Nets 100 - 95 Detroit Pistons
Indiana Pacers 122 - 111 Phoenix Suns
Charlotte Hornets 114 - 104 Toronto Raptors
Dallas Mavericks 116 - 103 Denver Nuggets
Portland Trail Blazers 125 - 121 Minnesota Timberwolves
Atlanta Hawks 121 - 106 Sacramento Kings
March 13, Inrinni
Philadelphia 76ers 127 - 101 Washington Wizards
Denver Nuggets 103 - 102 Memphis Grizzlies
Utah Jazz 114 - 99 Houston Rockets
Los Angeles Lakers 105 - 100 Indiana Pacers
San Antonio Spurs 104 - 77 Orlando Magic
Miami Heat 101 - 90 Chicago Bulls
New Orleans Pelicans 116 - 82 Cleveland Cavaliers