US leh Canada Open awm dawn lo

Badminton thuneitu sang Badminton World Federation (BWF) chuan kuminah US Open leh Canada Open a awm loh tur thu an ti chiang. Tournament pahnih an khelh loh chhan hi Covid-19 vang a ni.

US Open hi July 6-11 chhunga khelh tura ruahman a ni a, Canada Open hi June thla tawp aṭanga July thla tir lamah a ni thung. Mahse ram pahnih hian hrileng vangin tournament an thleng thei dawn lo.

BWF chuan thuchhuah siamin, "Ram pahniha tualchhung lam thuneitu ten hrileng vanga inkaihhruaina an siam chu player tan zawm vek a harsa, hei vang hian tournament a awm thei lo ang.

"Inelna awm theih loh tur chungchangah hian BWF chuan USA Badminton leh Badminton Canada te nen inremna kan nei," an ti. Tournament pahnih an ṭhulh takah chuan Asia lama inelna neih ho chu Tokyo Olympic qualifier atan a pawimawh zual dawn.