Zaha a ṭhingṭhi duh lo

Crystal Palace forward Wilfried Zaha chu Premier League player zinga inkhelh hmaa ṭhingṭhi duh lo hmasa ber a ni.

Kum 28 mi Zaha hian February thla khan chi leh chi inthliarna dona lama Premier League hmalakna chu a duh khawp loh thu a sawi tawh a, player-te pawhin ngaihah an nei tawhah a ngai.

May 2020 khan United States-ah mihang George Floyd chu thah a ni a, hemi hnu hian Black Lives Matter chu kalpui a ni. Premier League pawhin Black Lives Matter thlawp nan inkhelh hmaa ṭhingṭhit hi an kalpui ṭan a, tun thlengin an la kalpui mek.

Zaha chuan, "Inkhelh hmaa ṭhingṭhit chungchanga ka ngaihdan chu ka sawi chhuak tawh. Thutlukna dik leh dik lo a awm chuang lo a, mahse kei chuan ngaiah kan nei tawhah ka ngai. Inkhelh hmaa kan ṭhingṭhit hnu pawhin player ṭhenkhatin hmusitna an la tawk zel hi ka hrethiam lo a ni," tiin a sawi.

Crystal Palace hian an mualah captain Luka Milivojevic goal hmangin West Brom 1-0 in an hneh. Sam Allardyce-a kaihhruai Baggies-in point an hmuh loh avangin Premier League-a inhamtan a harsa tawh ang.