Pickford a inhliam

Everton-in Burnley 2-1 a an hneh loh ṭumin keeper Jordan Pickford a inhliam a, half time hma chiahin Neves Virginia-a'n a thlak. Kum 27 mi Pickford hi England-in tun thla tawpa World Cup qualifier an khelh hunah inlan lo thei dinhmunah a ding.

Pickford hian Johann Berg Gudmundsson goal khung tur a danna lamah a inhliam. Gareth Southgate chuan Ningani hian San Marino, Albania leh Poland hmachhawn tur squad a puang dawn. Everton manager Carlo Ancelotti chuan, "Thawhṭanniah a dinhmun kan enfiah ang," tiin a sawi.

England-in nikum November thla khan Nations League-ah Belgium leh Denmark an hmachhawn a, Pickford a inlan ve ve. Everton keeper hi chhawr theih a nih loh chuan Burnley keeper Nick Pope emaw Manchester United keeper Dean Henderson emaw tan hun ṭha a inhawng thei ang.

Goodison Park-a inkhelah hian mikhual Burnley-in bul an ṭan ṭha a, minute 13-na leka Chris Wood-a'n goal mawi a khung hnuah Dwight McNeil-a'n minute 24-naah goal ropui a khung. Toffees tan Dominic Calvert-Lewin-a'n minute 32-naah siphurh sut ṭhen mah se goal dang hmuh tur a awm tawh lo.