Quarterfinal-ah Nadal a lut

Rafael Nadal chuan nimin khan Miomir Kecmanovic hnehin Mexican Open quarterfinal a lut a, champion tura rinkai zinga mi Alexander Zverev erawh beisei phak loin a zinkawng a 

tawp thung.

Seeded pakhatna Nadal hian Kecmanovic hi 6-2, 7-5 in a hneh, match lehpekah chuan Kwon Soon-woo a hmachhawn leh ang. South African tlangval hian seeded pariatna Dusan Lajovic chu 7-6 (7-2), 6-0 in a lo hneh ve thung a ni.

Australian Open semifinalist Zverev erawh American player Tommy Paul lakah 6-3 6-4 in a chak lo. Zverev hian a service game hmasa ber a hloh nghal a, set hnih an khelh lai hian tihsual a ngah avangin a tho chhuak tawh lo.

Inkhel dangah Adrian Mannarino leh Grigor Dimitrov te an inkhel a, set hmasa tie break an khelh laiin Mannarino vannei zawk mah se set hnuhnung pahnihah chuan seeded pasarihna Dimitrov a dingchang. Dimitrov hian vawiinah Stan Wawrinka a hmachhawn leh ang.