Scottish Premiership-ah Celtic an champion

Inrinni zan khan Celtic chuan Aberdeen 3-0 in an hneh a, Scottish Premiership-ah a zawnna a vawi riat nan an champion. Pittodrie Stadium-ah hian Mikael Lustig, Jozo Simunovic leh Odsonne Edouard ten goal an khung.

Tun hnaiah Celtic-in record duhawm tak nei an nei a, Scottish Premiership-ah a vawi 50 nan champion mah se nomawi chawi tam lamah an hmelma Rangers (54) an pha lo. Celtic hian kum 1947 khan a zawnin a vawi kua nan an champion a, he record duhawm tak hi Rangers-in kum 1997 khan an nihrual. Season tharah kum 70 chuang liam taa an record hi tluk thei dinhmunah an ding.

Celtic hian match hnih khelh hmabak la awmah point 84 an hmu a, anmahni hnaih bertu Steven Gerrard-a enkawl Rangers aiin point 12-in an hmu tam zawk. Season tir khan Celtic hi Brendan Rodgers a hnuaiah bul ṭan mah se Liverpool manager hlui hian Leicester City a zawm san a, manager lailawk Neil Lennon hnuaiah champion an nemnghet.