Junior Muay Thai Championship

United Amateur Muay Thai Association of Mizoram buatsaih Mizoram Junior Muay Thai Championship 2019 chu May 1, Inrinni khan neih zawh a ni a, a pumpuia gold medal pakua latu Sihhmui an champion a, pahnihna chu Phunchawng (6 gold medal) an ni.

Inelnaah hian club hrang hrang pariat aṭangin player 120 zet an inlan a, tualchhung inelna hian ngaihhlut a hlawh hle. Category hrang hranga hlawhtlinna chang zinga mi 24 chu National Junior Male & Female Muay Thai Championship 2019 khel tura thlan an ni.

National champion­ship hi May 24-28 chhung­in Guwahati-ah neih a ni dawn a, inlan tura thlan chhuahte hian Aizawlah ngawrh taka training nei chhunzawmin May 23 hian inelna tur hmun panin an chhuak ang.