Record thar nen Windies chak

World Cup khel tura inbuatsaih West Indies chuan run 196 zetin Ireland an sawp a, John Campbell leh Shai Hope chuan ODI-a opening partnership run tam ber record an siam. 

Windies tana rawn ding chhuak batsman pahnih hian run 365 an rawn siam dun a, Campbell hian run 179 a siam laiin Hope-a'n run 170 a vaw chhuak bawk - over 50-ah run 381 an tlin a, wicket thum an hloh. 

Ireland tan target a sang lutuk a, over 34.4-ah run 185 siamin an out vek a, run siam hnem ber Kevin O'Brien pawhin run 68 a tlin ve hram. 

Campbell leh Hope inkawp hian ODI-a batsman partnership run siam hnem ber Chris Gayle leh Marlon Samuels-ten 2015-a an lo siam tawh chu run nga chiahin an phak lo.