Ribery-a'n Bayern chhuahsan dawn

Bayern Munich winger Franck Ribery chuan season tawpa a contract zawh hunah German club a chhuahsan dawn a, a club zawm tur erawh a la tichiang lo.

Kum 36 mi Ribery hian June 2007 khan pound maktaduai 17-in Marseille aṭangin Bayern hi a zawm a, amah ang bawka veteran player Arjen Robben hnung a zui dawn.

Kum 34 mi Dutch winger Robben hian nikum December thla khan Bayern a chhuahsan tur hi a tichiang tawh. German club hian an player pawimawh pahnih pual hian kum 2020 hian 'testimonial match' an khel ang.

Ribery chuan, "Season thar atan ka rilru ka la siam fel lo. Football la khelh zel ka duh a, ka khel ngei ang tih erawh ka tiam thei lo," tiin a sawi.