Kohli hoin India an chak

Pathianni zan khan India-in Motera Stadium-ah England chu wicket sarihin an hneh a, T20 series match nga khelh turah 1-1 in an inhnehtawk.

T20 match hmasa berah England-in wicket riatin India an hneh a, match hnihnaah erawh Virat Kohli rawn che ṭhain mualneituin hnehna an chang.

Ṭhumvawrah India an chak a, vawm hmasak an thlang. England tan Jason Roy (46), Eoin Morgan (28), Ben Stokes (24) leh David Malan (24) te che chhe lo mah se over 20 chhungin run 164/6 chauh an siam.

India bat hun a thleng a, run siam loin KL Rahul thi mah se opener Ishan Kishan-a'n ball 32 lekah run 56 a siam. Captain Kohli-a'n thi loin ball 49-ah run 73 a siam ve bawk a, harsatna nei loin Men in Blue-in hnehna an chang.

T20 match vawi thumna hi zanin dar 7:00 hian khelh a ni dawn a, inelna hi Motera Stadium, Ahmedabad-ah vek khelh a ni ang.