AIBA 2-Star coaching zir tur Sete-a

International Boxing Association (AIBA) hnuaia AIBA 2-Star Coach Certification Courses zir turin Sete Lalchhuanawma chu thlan a ni a, vawiin hian Aizawl a chhuahsan ang.

AIBA 2-Star course hi May 9-16 chhung hian Rohtak, Haryana-ah neih a ni dawn. AIBA Coaches Commission hnuaia coach instructor pahnih Adam Kusior (Poland) leh Grami Makrem (Tunisia) ten training an pe ang.

Mizo zingah Vanlalchhuanga (SYS) leh Sete Lalchhuanawma-te chiah hi AIBA 1-Star coach an la awm a, 2-Star coach erawh an la awm lo. Sete-a hian tunah hian Sete Boxing Academy a enkawl mek a, Mizoten boxing-a hma an sawn theih nan a thawh hlawk hle.