National referee thar Ruata

International Tennis Federation Officiating buatsaiha neih national referee level 1 leh 2 training chu May 6-7 chhung khan neih a ni. 

B. Lalruattlunga chuan Mizo zinga national referee hmasa ber ni turin level pahnih hi a zo. Referee training hi Maharashtra Tennis Asscociation chuan Pune-ah thlengin, ram chhung hmun hrang hrang aṭanga dilna tam tak lut zing aṭangin mi 25 an thlang chhuak a ni.

Tuivamit, Aizawl tlangval Ruata hi national referee white batch a ni nghal dawn bawk a, hemi tur chuan International Tennis Federation-ah inziah luh a ngai a, batch la chhuak tur chuan national tournament hrang hrangah match 60 chhung match duty a nih phawt a ngai bawk.

May 14 aṭanga June 25 chhung hian National Institute of Sports Punjab, Patiala chuan Six Week Certificate Course a buatsaih leh dawn a, tennis coach training tur an thlan zingah Ruata hi a tel bawk a ni.