Oleksandr Usyk a inhnukdawk

Cruiserweight-a kawng­hren kawl theih pali WBA (Super), WBC, IBF leh WBO zawng zawng kawltu Oleksandr Usyk chuan a vawi khat nan heavyweight boxing hmachhawn tum mah se a inhliam avangin a inhnukdawk. 

Kum 32 mi boxer hi May 25-ah Carlos Takam nena inhmachhawn tura tih an ni a, mahse cruiserweight-a title pali kawl vek thei hmasa ber hian training-naah a banah hliam a tuar a, a inhnuhdawh a ṭul ta a ni. 

Usyk hian vawi 16 fight a hmachhawn tawhah hnehna a la chang vek a, a khingpui 12 ngawt a knockout. Kum 38 mi Takam hian vawi 42 fight hmachhawnin vawi 36 a chak a, vawi nga tlawmin vawi khat a khingpui a inhnehtawkpui. 

Promoter Eddie Hearn chuan fight hi ṭhulh loa a hun sawn ringawt a nih tur thu a sawi a, fighter pahnih inhmachhawn hun tur chu an puan leh thuai tur thu a sawi bawk.