Raptors leh Nuggets dinhmun a ṭha

NBA playoff khelh kal laiah Toronto Raptors leh Denver Nuggets te dinhmun a ṭha tawh hle a, anni pahnih hian match khat chauh pawh hnehna an chang leh thei a nih chuan conference final an lut tawh dawn.

Nimin zing Eastern Conference semifinal game 5 inkhelah Toronto Raptors hian Philadelphia 76ers chu 125-89 in an hneh. Raptors tan mimala thawh hlawk fal an awm lo a, point 21 neitu Kawhi Leonard leh Pascal Siakam (25 points) te chu nidang ang bawkin an chakna hnar pawimawh an ni.

Western Conference lamah Denver Nuggets chuan series-ah 3-2 a hmahruai turin Portland Trail Blazers chu 124-98 in an hneh bawk. Zirtawpni zingah game 6 an khel dawn a, innihrual thei an la nih laiin final lut tur chianna inkhel a ni nghal thei bawk.