Reds leh Spurs tan ticket 16,613 ve ve

Champions League final, June 1-a khelh tur atan Liverpool leh Tottenham Hotspur-te chu ticket 16,613 ve ve pek an ni dawn. Final hi Atletico Madrid khelmual Wanda Metropolitano-ah khelh a ni dawn a, mipui 68,000 lenna stadium a ni. 

Liverpool ruahman dan chuan an ticket man tlawm ber hi £60 (Rs. 5,455) a ni a, ticket manto ber chu £513 (Rs. 46,644) a ni thung. Ticket 16,613 bakah hian Reds hi club staff, junior player leh player chhungte enna tur ticket 300 pek an ni bawk. 

Merseyside club hian ticket hi category 1-4 thlenga ṭhen hrangin a man a in ang lo vek a, Tottenham lam hian ticket an zawrhchhuah dan tur an la puang zar ve lo thung.