MZP 8th Mizoram Inter School Chess C'ship

Nimin khan Mizoram Chess Association (MCA) leh Mizo Zirlai Pawl (MZP) te buatsaih MZP 8th Mizoram Inter-School Chess Championship 2019 chu Dawrpui Multi-Purpose Center-ah neih ṭan a ni. 

Inelna hi category pali Higher Secondary Section (Class XI & XII), High School Section (Class IX & X), Middle School Section (Class V - VIII) leh Primary Section (Below Class - IV) ah ṭhen hran a ni a, an vaiin player 319 an tel.

Inelna hi Swiss System 7 Round Robin a khelh a ni a, nimin khan round li thleng khelh niin vawiin a tawp ni hian round dang khelh tur a ni. Tlai dar 2:00-ah closing function neih a ni ang a, Sports & Youth Service minister Robert Romawia Royte chu khuallian a ni ang.