Murray tan Miami Open wildcard

Miami Open buatsaihtute chuan duhsak takin Andy Murray hnenah wildcard an pe. Britain tlangval hian qualifier khelh hah ngai loin main draw aṭangin tournament bul a ṭan thei dawn tihna a ni.

World number 1 hlui Murray hian 2009 leh 2013 khan Miami Open nomawi hi a lo chawi tawh, tun hnaiah erawh hliam leh harsatna hrang hrang vangin a inlan mumal thei lo - season nga chhunga a vawi khat nan a inlan leh dawn chauh.

Kum 33 mi Murray-a'n Miami Open a khelh hnuhnung ber 2016 kha chuan world number 2 ni chungin a inlan, tunah erawh a ranking a tlahniam tawh hle, 118-na ni chungin tournament a khel ang.

Grand Slam vawi thum champion tawh hian tun hnaiah tennis a khel pangngai ve leh ta a, tun thlatir lam khan Rotterdam Open-ah inlanin a match hmasa berah hnehna a chang, second round-ah erawh world number 8 Andrey Rublev a ngam lo.

Miami Open hi March 22 aṭanga April 4 chhunga khelh tur a ni.