Ahmedabad-ah entu awm dawn tawh lo

India leh England ten Ahmedabad-ah T20 match thum khelh tur an la nei a, Gujarat-a coronvirus kai an pun thar leh tak avangin entu an awm a rem dawn tawh lo.

March 12, Zirtawpni khan T20 match hmasa ber khelh a ni a, England an chak. Hemi ṭum hian entu 66,000 zet an pungkhawm. March 14, Pathianni khan match hnihna khelh a ni a, entu 67,000 hmaah India-in hnehna an chang thung.

Motera Stadium tiha hriat lar stadium hi kum 2007-2020 chhung khan vaibelchhe 800 senga chei ṭhat a ni a, entu 132,000 lengin khawvela cricket stadium lian ber a ni. Stadium hming pawh Narendra Modi Stadium tihin an thlak.

Nizan khan T20 match thumna hi khelh a ni a, March 18 leh March 20-ah match lina leh ngana khelh leh tur a ni ang.