PL medal dawn hre lo Mane
Liverpool forward Sadio Mane chuan Premier League champion player-ten mimalin medal an dawng tel ṭhin tih a lo hriat loh thu a sawi a, "Nimin lawkah khan ka hre ve chauh a ni," a ti!
Kum 30 chhung league-a champion tawh lo Liverpool hian league match 27 khelh tawhah tlawm nei loin hma an hruai mek a, match 11 khelh tur la awmah match li an chak chuan an champion ang.
Mane chuan, "Medal an dawng ṭhin tih ka hre lo a, ka ngaihtuahna luah tu a ni lo bawk," a ti a, mimal chawimawinain a rilruah hmun a chan ngai loh thu a sawi.
Liverpool hian zanin dar 11:00-ah league match an khel dawn a, Watford chu khualmualah an lenchilh ang. Mane chuan, "Tun dinhmuna kan kalkawng hi awlsama an ngai a nih chuan an ring sual a ni.
"Premier League hi khawvela league ṭha ber a ni tih kan hria a, match tinah 100% pek zel a ngai. Season ṭantir aṭanga kan tum ber chu nomawi chawi a ni a, kan ti thei a nih chuan club leh fans tan chuan a lawmawm ngawt ang," a ti.
Liverpool tan tun season-a league match 24 khela goal 13 khung a, assist vawi ruk neitu Mane hian a pu Jurgen Klopp chuan Anfield-a a lim dinsak a phu thu a sawi bawk!
Zanin Inkhel Tur
Aston Villa PSTP Sheffield United
Brighton & Hove Albion 6:00 PM Crystal Palace
AFC Bournemouth 8:30 PM Chelsea
Newcastle United 8:30 PM Burnley
West Ham United 8:30 PM Southampton
Watford 11:00 PM Liverpool
March 1, Pathianni
Manchester City PSTP Arsenal
Everton 7:30 PM Manchester United
Tottenham Hotspur 7:30 PM Wolverhampton Wanderers