Nadal leh Wawrinka an tlang

Mexican Open khelh laiah nimin khan Rafael Nadal leh Grigor Dimitrov te chuan an khingpui ve ve hnehin semifinal an lut a, vawiin hian final luh inchuhin an inlan zui leh nghal ang.

World number 2 Nadal-a'n darkar khat leh minute 31 chhungin Soonwoo Kwon chu 6-2, 6-1 in a hneh. Vawi hnih a champion tawhna hmunah Nadal hian a match hnuhnung 20 aṭangin vawi 18 zet hnehna a chang thei.

Hnehna a chan hnuah Nadal hi tun hnaia chawl ta Maria Shrapova chungchang an zawt. Spain tlangval chuan, "Tennis tan thil ṭha tam tak a tiin a hnutchhiah, infiamna khawvel tan amah aṭang hian inpekna thuk tak zir tur a awm," a ti.

Semifinal-ah chuan Nadal hian Grigor Dimitrov a hmachhawn leh ang, seeded pasarihna Dimitrov hian inkhel dangah Grand Slam vawi thum champion tawh Stan Wawrinka chu 6-4, 6-4 in a lo hneh ve thung.