Semifinal khel tur Anastasia

Anastasia Electric Veng chuan Suzuki Gix­xer Pro Volleyball League 2019 semifinal an khel dawn tih a chiang ve leh ta. Anastasia hian Thutak Nunpuitu Team (TNT) chu 13-15, 15-8, 15-11, 15-9, 15-7 (4-1) in an hneh.

Ningani zan Chawn­pui Sports Centre-a in­khelah player mala lang­sar fal an awm lo. Electric Veng team duhlai C. Lal­densanga'n point 14 hmuin, tun PVL bika a vawi hnih nan RS Traders Player of the Night atan thlan a ni - an team chakna hnar pawimawh a ni bawk.

Kum 2016 PVL cham­pion Anastasia hian league match an khelh tur an khel kim ta a, matck ruk aṭanga point 16 hmuin pathumna an ni. An chungah hian Chhinga Veng Spikers leh Durtlang North-te chiah an awm. Electric Veng team an tlang rual hian semi­final beisei ve pakhat Chanmari beiseina an ti­tawp nghal thung. Nizan khan champion lai Hun­thar leh Tuichangral ten semifinal hmunruak pakhat luah tur zawk an zawng a, he thu buatsaih lai hian result kan hre hman lo.

May 9, Ningani zan Results

Anastasia Electric Veng    bt    Thutak Nunpuitu Team

13-15, 15-8, 15-11, 15-9, 15-7 (4-1)

RS Traders Player of the Night: C Laldensanga, Anastasia Electric Veng

Anastasia Electric Veng    bt    Thutak Nunpuitu Team

15-13, 15-8, 15-10, 15-12, 15-10 (5-0)

Zanin Inkhel Tur

Durtlang North    04:00 PM    Chhinga Veng Spikers

Durtlang North    08:00 PM    Chhinga Veng Spikers