Game 7 an khel dawn
NBA playoff chinah chuan best of seven series hmanga chak zawk zawn a ni ṭhin a, tun season conference final khel tur pahnih zawng tur pawhin game 7 an khelh a ngai dawn tih a chiang ta.
Eastern Conference semifinal lamah Toronto Raptors lamin tlang turin hun ṭha nei mah se Philadelphia 76ers lakah 112-101 a an chak loh avangin an nghah rih a la ngai dawn - Thawhṭanni zing dar 4:30 hian a tlang tur zawk an chingfel ang. A tlang zawk hmachhawn tur hian Milwaukee Bucks chuan conference final an lut fel tawh.
Denver Nuggets pawhin match khat chauh hnehna chan ngai tawh chungin Portland Trail Blazers hmachhawn mah se 119-108 in an chak lo a, Pathiannia an intawn leh hunah chuan an hma hun chinfel ngei a ni dawn. A chak zawk hian Golden State Warriors leh Houston Rockets te inkhela chak zawk an hmachhawn leh dawn a ni.