Premier League no mawi leh medal

Premier League champion-in an dawn no mawi hi 3ft 5in (104cm) a sang a ni a, a hlai zawng hi 2ft (61cm) niin a belhkhawma rih zawng hi 25.4kg a tling. No mawi innghahnaah hian champion tawhte hming ziah a ni a, hemi tel lo chuan no mawi rih zawng hi 15.9kg a ni thung.

Tun season-ah champion thei pahnih Manchester City leh Liverpool te an awm a, an inkhelhna stadium ve veah no mawi chhawp sak an ni dawn. Premier League hian hetiang hun atan hian no mawi pahnih an nei - pakhat chu champion laiin an kawl a, Man City khelhna tur Falmer Stadium-ah dah a ni ang. Pakhat zawk chu league thuneituten kawlin mipui hmuh theih tur leh league tihlarna kawngah te chhawpchhuah ṭhin a ni a, hei zawk hi Anfield-a an dah tur chu a ni.

Manchester City hi an champion a nih chuan no mawi an chawi lawk thei dawn lo. A chhan chu stadium neitu Brighton & Hove Albion lamin Premier League an khelh zel dawn avangin league match hnuhnung ber zawhah an lawm phawt dawn. Hemi zawh hian Man City hnenah no mawi hlanna neih a ni chauh ang.

Premier League champion team hian medal 40 an dawng. Season khat chhunga league match vawi nga khel tlingte hnenah medal pek an ni a, a la chuang chu club-in player dang leh staff-te hnenah an phu dan a zirin a pe ṭhin.