MZP 8th Mizoram Inter School Chess C'ship

Mizoram Chess Association (MCA) leh Mizo Zirlai Pawl (MZP) te buatsaih MZP 8th Mizoram Inter-School Chess Championship 2019 chu nimin khan Dawrpui Multipurpose Center-ah a kharna hun neih a ni.

Inelna hi category paliah ṭhenhran a ni  a. Player 41 telna Higher Secondary Section (Class XI & XII)-ah Lalremruata, St. Benedict's HSS, Reiek chu pakhatna a ni a. Player 100 telna  High School Section (Class IX & X)-ah Ephraim HS naupang Johny R. Lalmuanpuia chu pakhatna a ni.

Middle School-ah (Class V - VIII) mi 141 zet an tel a, Reiek-a Govt. Middle School naupang Lallawmzuala a thiam ber. Primary Section (Below Class - IV) ah player 36 an tel a, Govt. Zonuam P/S naupang chu pakhatna a ni. Inelnaah hian player 319 an tel.