Mizo hmeichhia vawi thum chak zawn

Hmeichhe cricket inelna Womens Senior One Day Trophy neih laiah Mizoram chuan tun hnaiah a zawnin match thum chhung hnehna an chang. Cricket Association of Mizoram team hian nimin khan Arunachal Pradesh chu wicket kua (9) in an hneh.

CAP Ground 2, Puducherry-a inelna neihah Mizoram hi ṭhum vawrah vannei zawkin vawm hmasak an thlang. Arunachal hian over 50 chhunga run 116 siamin mi pariat an thi. Mizoram lamin over 32.5 lekah mi pakhat chauh hloh chungin an target 

an khum.

Mizoram hian Plate Group-a an match hmasa lamah Manipur leh Bihar an lo hneh tawh bawk. March 1, Pathianni hian Meghalaya nen an inhmachhawn leh ang.