Salford-in league khel ve dawn ta

Manchester United player hlui paruk ngawtin neitu nihna an neihna club a nih avanga hriat hlawh Salford City chuan a vawi khat nan English Football League an khel ve dawn ta a, League Two inhlangkai tur zawnna playoff final-ah AFC Fylde chu 3-0 in an hneh. 

Salford tan hian Emma-nuel Dieseruvwe, Carl Piergianni leh Ibou Touray te chuan Wembley-a an club vawi khat inlannaah goal khat ṭheuh an khung a, Fylde lamin a chhanletna tur an nei lo. Non-league club-ah hian 2014 khan Gary & Phil Neville, Paul Scholes, Nicky Butt leh Ryan Giggs-ten share 10% ṭheuh leiin neitu dinhmun an luah ṭan a, January khan England captain David Beckham chuan 10% a lei ve leh bawk a, Singapore sumdawng hausa Peter Lim chuan 40% a nei ve bawk. 

'Class of 92' tia sawi ṭhin United player-ten Salford an lei hnuah season nga chhungin vawi li ngawt promotion an hmu hman.