Warriors tan Lakers an thiam lua

Nimin zing NBA regular season inkhelah Los Angeles Lakers tan LeBron James a inlan lo, star player James awm lo mah se Lakers hian Golden State Warriors chu 116-86 in an sawp thei tho.

Khel bawr hliam vangin James a chawl a, a awm loh lai hian Anthony Davis-a'n point 23 a score bakah rebound vawi ruk lain Lakers a chakpui. Player dang Kyle Kuzma (18 points), Dwight Howard (13), JaVale McGee (12), Rajon Rondo (12) leh Avery Bradley (12) te an khel ṭha vek bawk.

Western Conference hmahruaitu Lakers hi an match hnuhnung pasarihah an chak vek a, season kal laiah vawi 45 an chak tling ta chiah. Warriors erawh a hniam berah an awm chhunzawm, vawi 47 zet an tlawm tling ta a ni.